Ang programa sa e-bike rebate gipondohan pinaagi sa badyet sa transportasyon sa lehislatura sa estado sa Washington. Ang pondo gikan sa Climate Commitment Act . Ang Active Transportation Division sa Washington State Department of Transportations ang gitahasan sa pagdesinyo ug pagpatuman sa programa sumala sa mga lagda nga gitakda sa lehislatura.
- Saysenta porsyento sa mga pundo ang gipunting ngadto sa $1200 nga mga rebate ug kwarenta porsyento sa mga pundo ang gipunting ngadto sa $300 nga mga rebate
- Kinahanglan nga mosumiter og aplikasyon ang mga tawo, mapili, ug ipadala ang mga dokumento sa eligibility para sa pag-apruba sa dili pa makadawat og rebate
- Ang mga rebate kinahanglan nga personal nga makuha sa usa ka aprubado nga tindahan sa bisikleta sa estado sa Washington nga namaligya ug nagserbisyo sa mga e-bikes.
- Kinahanglan gamiton ang mga rebate sa pagpalit og kwalipikado nga e-bike
Niadtong 2023-2025, usa ka pilot rebate program ang natukod. Kapin sa 37,000 ka mga tawo ang nag-log in aron mag-aplay, ug kapin sa 11,000 ka mga tawo ang napili ug giimbitar sa pagsumite sa ilang mga dokumento sa eligibility. Mahimo kang magbasa og dugang mahitungod sa pilot ug sa mga resulta sa WSDOT ATD legislative report 2025.
Sa 2025-2027, among ilunsad pag-usab ang WE-bike ug kini molungtad hangtod sa ulahing bahin sa tingpamulak sa 2027. Ang mga rebate dili lagmit nga makatabon sa 100% sa mga gipamalit.